Թուրքիան դատապարտում է Հայաստանի ԶՈՒ ԳՇ-ի «հեղաշրջման փորձը»

Թուրքիան Հայաստանում տեղի ունեցող իրադարձությունները գնահատում է որպես «հեղաշրջման փորձ» և վճռականորեն դատապարտում է այն, գրում է «Անադոլու» գործակալությունը՝ հղում անելով աշխատանքային այցով Բուդապեշտում գտնվող Թուրքիայի արտգործնախարար Մևլյութ Չավուշօղլուի հայտարությանը:

«Աշխարհի որ կետում էլ տեղի ունենա հեղաշրջումը, մենք այն դատապարտում ենք: Մենք նաև վճռականորեն դատապարտում ենք դրա փորձը Հայաստանում:

Կարելի է քննադատել, պահանջել կառավարության հրաժարականը․ դա նորմալ է: Բանակի օգնությամբ կառավարության տապալումը, ինչպես նաև դրա կողմից կոչն անընդունելի է»,-ասել է Չավուշօղլուն։

Հիշեցնենք, որ ՀՀ զինված ուժերը հայտարարություն է տարածել՝ պահանջելով ՀՀ վարչապետի և կառավարության հրաժարականը, միաժամանակ նախազգուշացրել ձեռնպահ մնալ ժողովրդի դեմ ուժ կիրառելուց, ում զավակները զոհվել են՝ պաշտպանելով Հայրենիքն ու Արցախը:

Այս հայտարարությունից հետո ՀՀ վարչապետ Նիկոլ Փաշինյանը ֆեյսբուքյան էջում գրառում է արել՝ իր կողմնակիցներին հրավիրելով Հանրապետության հրապարակ, իսկ ԳՇ-ի հայտարարությունը որակել է «ռազմական հեղաշրջման փորձ»։

Հավանեցի՞ք նյութը, կիսվեք մտերիմների հետ.



ԿԱՐԴԱՑԵՔ ՆԱև